Deputeti socialist Erion Braçe, i pozicionuar kundër vendosjes së traut në hyrje të parkut të Divjakës, sot ka shkuar në këtë qytet ku është zgjedhur, por jo në protestë për t’ju bashkuar marshimit.
Ai ka postuar një video nga fshatrat e Divjakës dhe në fund akuzon opozitarët. “Divjake| Cerme Shkumbin; ne pune! Urbanizojme lagjet e fshatrave; ketu lagjia fundore nga veriu.
Kanalizimet e ujrave te bardha, shtresa e nenshtresa; tani dhe asfalti! Nje bravo e madhe per punetoret, Ibrahimin dhe Asqeriun, grupin e tyre, Hakiun-kryeplakun e kudogjendur!
Ne punen kemi; punen bejme! Denglat fiks te atyre qe pushtetin e kane perdorur per te vjedhur; e duan prape per te vjedhur” shkruan ai.
Dje Erion Braçe akuzoi se zyrtarët e Ministrisë së Turizmit dhe Mjedisit u bënë presion zyrtarëve të bashkisë Divjakë për të dhënë lejen për vendosjen e kabinës në hyrje të parkut ku do të vendoset trau me pagesë për qytetarët.
