Kreu i Partisë së Lirisë, Ilir Meta ka reaguar për shkrimin e publikuar nga mediat kroate, të cilat thonë se si qytetarët dhe opozita në Zagreb kanë fituar në përpjekjen për të rrëzuar një projekt të qeverisë në Kroaci për të ndërtuar atë që do të quhej Manhattan i Zagrebit.
“Gënjeshtra që nuk zgjati një ditë!”, thekson Meta në reagimin e tij në rrjetet sociale të shoqëruar me foto nga shkrimi në media që nxjerr zbuluar se si në Kroaci u zbulua plani i fshehtë i qeverisë me këtë projekt.
Gënjeshtra që nuk zgjati një ditë!
👇https://t.co/RpQw6fv3sL pic.twitter.com/H2nKdFjUMM— Ilir Meta (@ilirmetazyrtar) November 18, 2022
Meta gjithashtu ka publikuar dhe një postim ne Twitter te kryeministrit Rama qe i referohej si sukses projektit të investitorit Alabbar ne Kroaci.
ÇFARË THOSHTE RAMA DJE?
Kryeministri Edi Rama reagoi dje përmes një postimi në Twitter, lidhur me projektin e ndërtimit të Portit të Durrësit.
Rama ka cituar një artikull të BIRN, ku thuhet se kompania “Eagle Hills” do të ndërtojë “Manhatanin e Zagrebit” në Kroaci, teksa shkruan se se ky është një investim sa një e katërta e Durrësit që konsiderohet shumë i rëndësishëm për zhvillimin e kryeqytetit kroat.
“‘Eagle Hills’ kompania e Muhammed El Alabbar që do të ndërtojë Portin Turistik të Durrësit, e mirëpritur në Kroaci për të ndërtuar “Manhatanin e Zagrebit”, një investim sa një e katërta e Durrësit që konsiderohet shumë i rëndësishëm për zhvillimin e kryeqytetit kroat”, shkruante Rama.
KUSH FSHIHET PAS PROJEKTIT?
Pas këtij projekti fshihej Muhamed Alabar, investitori arab që synon të ndërtojë gjithashtu portin e jahteve në Durrës, aq shumë të kontestuar nga opozita shqiptare.
“Plani i kryebashkiakut Bandiç për t’i dhënë një kompanie private më shumë se një milion metra katror tokë të vlefshme të qytetit brenda Qendrës së Panairit të Zagrebit dhe hipodromit aty pranë ka dështuar përfundimisht. Kreu i departamentit të Ekonomisë së qytetit, Mirka Joziq, konfirmoi për të përditshmen Jutarnji List se planet për projektin nuk ekzistojnë më pasi ndryshimet në planin e qytetit që mundësojnë projektin nuk janë miratuar’.
Mediat kroate shkruajnë gjithashtu se pas presionit të shumtë, u publikua marrëveshja për këtë projekt që nxirrte në pah se kryebashkiaku Milan Bandić donte t’u jepte arabëve gjithçka. Duke përfshirë pronësinë e tokës më të shtrenjtë në vend, një skemë e ngjashme me atë të projektit të Durrësit në vendin tonë.
