Ditën e sotme në Panairin e Librit janë vlerësuar me çmime letrare disa autorë dhe përkthyes.
Çmimet e ndara u vlerësuan nga një juri e përbërë nga Virgjil Muçi, Aleksandër Cipa, Vjola Isufaj, Alina Karaulli dhe Agim Baçi.
Gjatë ceremonisë së ndarjes së çmimeve ishte i pranishëm edhe kryebashkiaku Erion Veliaj.
Ndër çmimet e ndara vlerësim mori Natasha Poroçani me veprën e saj për fëmijë, “Kalendari i ëndrrave të mollës”.
Ndërkohë Klarita Lagji fitoi çmimin e përkthimit më të mirë nga frëngjishtja në shqip të veprës “Vendi i Babait”.
Autori fitues për veprën më të mirë studimore u shpall Arben Imami për veprën e tij “3 format e mendimit, Mitologjia, Racionaliteti, Religjioni”.
Romeo Çollaku mori çmimin për përkthimin më të mirë të vitit me veprën “Varfanjaku i Zotit”.
Veliaj shpalli çmimin e autorit më të mirë, të cilin e fitoi Zija Çela për veprën e tij “Banka e Ankesave”.
