Seanca paraprake për ish-kryetarin e Bashkisë së Tiranës, Erion Veliaj, është shtyrë për në 28 tetor, për shkak të mungesës së avokatëve që po bojkotojnë gjykimin.
Veliaj u arrestua në shkurt për akuzat e korrupsionit dhe pastrimit të parave së bashku me bashkëshorten, Ajola Xoxën. SPAK pretendon se ata kanë përfituar rreth 1 milion euro nga fondet e bashkisë, të përdorura për blerje luksoze dhe shpenzime private.
Gjykata ka refuzuar të ndryshojë masën “arrest në burg” për Veliajn. Ai dhe bashkëshortja akuzohen edhe për pengim të hetimeve dhe kërcënim dëshmitarësh.
Në hetim janë përfshirë edhe disa bashkëpunëtorë të çiftit, ndërsa ish-deputetja socialiste Klotilda Bushka akuzohet për pengim të zbulimit të së vërtetës.
Veliaj përballë drejtësisë/ Sot vendoset fati i dosjes për korrupsion
