Kryetari i Partisë së Lirisë, Ilir Meta mëngjesin e sotëm ka shkuar në zyrën e Sali Berishës. Kjo është hera e tretë që ish-presidenti takohet me aleatin opozitar në selinë blu që pas rikthimit që të dy bënë në krye të partive.
Çështjet që janë diskutuar janë disa dhe specifikisht nuk dihen, por referuar aktualitetit politik dy padiskutim që kanë qenë pjesë e bisedës; porti i Durrësit dhe protesta e 6 Dhjetorit.
Marrëveshja për portin kalon të enjten në Kuvend, ndërsa përgatitjet për protestën kanë filluar, që do të mbahet në një ditë me samitin e BE-së në Tiranë, por vendi i tubimit ende nuk është caktuar.
