Punonjësit në një muze në Gjermani zbuluan të martën se koleksioni i 450 monedhave të arit me vlerë disa milionë euro ishte vjedhur.
Policia nuk dha detaje në lidhje me rrethanat e grabitjes, por theksuan se hajdutët kishin ndërprerë shërbimet telefonike dhe të internetit.
Koleksioni i monedhave të arit ka qenë një objekt kryesor në muzeun kelt dhe romak në Manching.
Monedhat ishin zbuluar në vitin 1999 dhe datonin që në shekullin e III para Krishtit me vlerë prej disa milionë euro.
Vjedhja e këtyre monedhave është e fundit pas një seri grabitjesh të profilit të lartë në muzetë gjermane.
Në vitin 2017 u rrëmbye muzeu prestigjioz “Bode” i Berlinit, ku u grabit monedha e dytë më e madhe në botë.
Ndërsa në vitin 2019, u grabit edhe muzeu “Green Vault” në Pallatin Mbretëror të Dresdenit, ku hajdutët morën 21 bizhuteri dhe sende të tjera me vlerë.
Sipas ekspertëve objektet e vjedhura nga muzeu “Green Vault” kishin vlerë rreth 113.8 milionë euro. Mediat gjermane e konsideruan këtë vjedhje si grabitjen më të madhe në kohët moderne.
Autoritetet besojnë se anëtarët e një familjeje famëkeqe kriminale e kryen atë grabitje.
