Videoja e futbollistëve argjentinas në dhomat e zhveshjes pas fitores 2-0 kundër Meksikës është bërë virale në mediat sociale.
Të gjithë lojtarët duken duke festuar për fitoren por ajo çfarë ka rënë më shumë në sy është Lionel Messi i cili teksa po hiqte këpucët, shtyn me këmbë një bluzë ose flamur të Meksikës.
Veprim, i cili është komentuar si mosrespektim ndaj simboleve të Meksikës.
Canelo had some strong words for Messi after seeing his locker room celebration 👀
(via @canelo, nicolasotamendi30/IG) pic.twitter.com/emRRHK1nGO
— ESPN Ringside (@ESPNRingside) November 28, 2022
Pas kësaj videoje ka pasur shumë reagime dhe një ndër ata ka qenë edhe boksieri meksikan, Canelo Alvarez.
Përmes rrjeteve sociale u shpreh se ai kishte respektuar Argjentinën dhe ashtu si ai, Messi duhet të respektojë Meksikën.
Ai gjithashtu ka kërcënuar yllin argjentinas duke u shprehur: “Më mirë t’i lutet Zotit që të mos e gjej.”
Postimi i plotë:
A e keni parë Messin duke pastruar dyshemenë me fanellën dhe flamurin tonë? Më mirë t’i lutet Zotit që të mos e gjej. Ashtu si unë respektoj Argjentinën, ashtu dhe ai duhet të respektojë Meksikën.
