Sot në mëngjes ka dalë para drejtësisë në Selanik shqiptari që përplasi për vdekje një vajzë greke, e cila vdiq tre ditë më pas në spital duke mos u mbijetuar plagëve.
26-vjeçari shqiptar ka kërkuar falje dhe mediat greke raportojnë se ka qëndruar vetëm pesë minuta në zyrën e hetimit. “Nuk është momenti që unë të jap justifikime dhe shpjegime”. Këto kanë qenë fjalët e vetme.
Shqiptari akuzohet për veprën penale të drejtimit të rrezikshëm të automjetit me pasojë vdekjen. E reja greke u nda nga jeta mëngjesin e së dielës.
Prindërit vendosën t’i dhuronin organet e saj dhe, siç tha e ëma, “Emmanuela ishte një fëmijë mrekulli dhe kur u largua donte të bënte mrekullinë e saj, të jepte jetë”.
