Në pritjen shtetërore të organizuar sot me rastin e 110 – vjetorit të shpalljes së pavarësisë së Shqipërisë, Presidenti i Republikës Sh. T. Z. Bajram Begaj priti autoritete të larta të shtetit, përfaqësues të trupit diplomatik, përfaqësues të forcave politike, komuniteteve fetare, kulturës, artit dhe medias për të kremtuar së bashku festat kombëtare në këtë vit jubilar të mëvetësimit të Shqipërisë.
Në fjalën e tij kreu i shtetit ka ftuar aktorët politikë mediat dhe shoqërinë civile, t’i përkushtohen Shqipërisë së gjeneratës tjetër.
Presidenti Begaj u shpreh se historia e shqiptarëve. është ajo e një kombi që nuk bën kompromise me ata që cënojnë dinjitetin kombëtar.
