Policia Italiane e Venecias ka sekuestruar rreth 75 mijë veshje të falsifikuara me etiketën “Made in Italy” të prodhuara në Shqipëri, Bullgari dhe Tunizi me vlerë 8 milion euro.
Veshjet ishin të prodhuara nga një kompani me bazë në Brescia dhe mashtronin bizneset se mallrat e tyre ishin të prodhuara në Itali.
Operacioni policor u zhvillua në autostradën A4 në posto bllokun që lidh Portogruaro e San Stino di Livenza dhe bëri të mundur sekuestrimin e mallit.
Personat përgjegjës të cilët u kapën janë nën hetimin e autoriteteve gjyqësore italiane.
Autoritetet gjithashtu kanë kryer kontrollin e mallrave dhe 400 bizneseve të cilat tregtonin mallra të falsifikuara.
Bizneset të cilat blinin këto mallra u shprehën se nuk ishin në dijeni që veshjet që ata blinin dhe tregtonin ishin të falsifikuara.
