Data 6 Dhjetor, do të jetë ditë pushimi për administratën dhe shkollat në Tiranë.
Kryeministri Edi Rama ka firmosur vendimin pasi në këtë ditë në Tiranë do të vijnë liderët e BE-së në samitin me Ballkanin Perëndimor.
Vendimi ka ardhur me argumentin e sigurisë në kuadër të samiti të BE-së, ku masat e sigurisë do të jenë shumë të larta, thuajse ekstreme me kufizime të lëvizjes.
Gjithashtu qytetarët që duan të udhëtojnë drejt Rinasit duhet të gjejnë rrugë të tjera alternative pasi rruga kryesore do të jetë e bllokuar.
Po në këtë ditë, opozita e drejtuar nga Sali Berisha ka njoftuar protestë në shesh.
