Dy vite pas rrëmbimit dhe vrasjes së Jan Prengës në Kamzë është arrestuar në Spanjë autori i dyshuar, që ka urdhëruar rrëmbimin. Bëhet fjalë për të shumëkërkuari 40-vjeçar, i cili mbante tre emra.
Gentjan Funiqi, alias Gentjan Martini, alias Festim Olomani u kap gjatë një operacioni mes Policisë spanjolle e Policisë shqiptare. Ne momentin e kapjes është prezantuar si shtetas bullgar me dokumente te falsifikuara me emër Rayko Ivanov dhe kishte edhe droge me vete.
40-vjeçari ishte shpallur në kërkim ndërkombëtar nga Interpol Tirana, pasi Gjykata e Posaçme Kundër Korrupsionit dhe Krimit të Organizuar i ka caktuar masën e sigurisë “Arrest në burg”, për veprat penale “Rrëmbimi ose mbajtja peng e personit”, kryer në bashkëpunim dhe “Prodhimi dhe mbajtja pa leje e armëve, armëve luftarake dhe e municionit”.
