Lidhja mes Shqipërisë dhe Gjermanisë është shumë e fortë në disa dimensione. Presidenti gjerman Frank Valter Steinmeier që ndodhet në një vizitë në Tiranë sot në fjalën e tij në Kuvendin e Shqipërisë tha se aktualisht jetojnë në Gjermani mbi 70 mijë shqiptarë dhe përmendi një tjetër lidhje mes dy kombeve, atë të futbollit.
Steinmeier nënvizoi se lojtarët shqiptarë e kanë pasuruar gjithmonë Bundesligën gjermane me talentin e tyre, si Mërgim Mavraj apo Altin Rraklli. “Ka edhe një fushë tjetër ku gjen shprehje lidhja jonë e ngushtë, miqësia në futboll.
Lojtarët shqiptarë e kanë pasuruar gjithmonë Bundesligën tonë me talentin e tyre, si Mërgim Mavraj apo Altin Rraklli apo edhe trajneri gjerman i Vllaznisë, Bërdariç. Dhe kjo i çon marrëdhëniet tona para”, u shpreh presidenti gjerman.
Presidenti gjerman në Tiranë: Qeveri-opozitë, punoni bashkë përtej llogoreve
