Kremlini ka kërkuar nga SHBA njohjen e territoreve të aneksuara të Ukrainës me kusht që Vladimir Putin të negociojë me presidenti amerikan Joe Biden.
“Mënyra më e preferuar për të arritur qëllimet tona është nëpërmjet mjeteve paqësore e diplomatike. Putini ka qenë, është dhe mbetet i hapur për kontakte e negociata”, tha Dimitri Peskov.
Rusia ka shpallur aneksimin e rreth një të pestës së territorit të vendit ish-sovjetik, Ukrainës, gjë që Perëndimi dhe Kievi thonë se nuk do ta pranojnë ndonjëherë. Kremlini thotë se kjo është pengesë për gjetjen e një kompromisi të mundshëm.
I pyetur nëse Moska shihte një mundësi për negociata pas deklaratës mbi këtë çështje të presidentit Biden, Peskov tha se “në thelb, Biden u shpreh se negociatat janë të mundshme vetëm pasi Putini të largohet nga Ukraina”.
