Ish-kryetari i Partisë Demokratike Lulzim Basha me anë të një postimi në Twitter e ka quajtur si të papranueshme gjuhën e përdorur nga presidenti i Serbisë Aleksandër Vuçiç ndaj kryeministrit të Kosovës Albin Kurti.
Basha shkruan se gjuha e urrejtjes e përdorur nga Vuçiç dëshmon se lidershipi serb nuk është ndarë nga e shkuara.
Gjithashtu ai shton se është koha që serbët e Kosovës të shohin drejt së ardhmes dhe mirëqenies, e të mos pranojnë keqpërdorimin e tyre për llogaritë politike të së shkuarës fatkeqe.
“Gjuha e urrejtjes ndaj kryeministrit të Kosovës nga presidenti i Serbisë është e papranueshme. Ajo dëshmon se lidershipi serb nuk është ndarë nga e shkuara. Kosova është shtet i pavarur dhe askush nuk mund ti imponohet me gjuhën e dhunës. Është koha që serbët e Kosovës të shohin drejt së ardhmes dhe mirëqenies, e të mos pranojnë keqpërdorimin e tyre për llogaritë politike të së shkuarës fatkeqe,” shkruan Basha.
Deklaratat e ashpra të Vuçiçit ndaj Kurtit erdhën pasi ditën e djeshme, ai emëroi si ministri të Komunitete në Qeverinë e Kosovës, Nenad Rashiçin, për të zëvendësuar të dorëhequrin Goran Rakiç nga Lista Serbe.
Por kjo nuk i ka pëlqyer aspak Vuçiçit i cili e quajti Rashiçin dhe këshilltaren e tij Rada Trajkoviç “llumi i shoqërisë serbe” ndërsa Kurtin e cilësoi si “llum terrorist”.
“Nuk do t’ia dorëzoj askujt”, Vuçiç: Për mua Kosova është shenjtërorja më e madhe serbe
