Ministri i Brendshëm Bledi Çuçi ishte sot në drejtorinë e policisë së Tiranë ku takoi titullarin e institucionit, Muhamet Rrumbullaku dy ditë përpara nisjes së përgatitjeve për samitin e BE-së që do të mbahet në Tiranë.
Çuçi u shpreh edhe njëherë i vendosur që brenda perimetrit të sigurisë, pra te Kryeministria nuk do të lejohet protesta, sikur është planifikuar nga Sali Berisha. Ai i kërkoi që të protestojë kudo tjetër, por jo në zonën e kuqe.
“Ne asnjëherë nuk kemi qenë kundër protestave, gjithmonë i kemi garantuar, këtë herë thjesht ka një zonë të kuqe, ku nuk mund të protestohet. Jashtë asaj zone do të marrim masat që edhe protesta të shkojë si duhet” tha ai. Por opozita shprehet e vendosur që protesta do të bëhet.
