Ka ndërruar jetë gjatë lojës futbollisti 17-vjeçar i skuadrës së Trepçës ’89, Erion Kajtazi.
Sipas njoftimeve të FFK-ja, mjekët e të dyja skuadrave bën përpjekje maksimale për t’ia shpëtuar jetën e talentit 17-vjeçar, por ishte e pamundur.
Mjekët konstatuan se vdekja kishte ardhur si pasojë e një arresti kardiak.
Reagim emocional pati klubi ku luante Kajtazi.
Presidenti i Trepçës ’89, Abedin Zeka u shpreh se ndihej i shokuar për vdekjen e 17-vjeçarit.
Zeka ndër të tjera shtoi se po planifikonin transferimin e Kajtazit në Evropë në një të ardhme të afërt.
Kreu i FFK-së, Agim Ademi, e përshkroi si lajm tronditës vdekjen e talentit 17-vjeçar, për të cilin tha se iu ndërpre ëndrra e futbollit në gjysmë.
“Erioni ndërroi jetë në fushën e gjelbër, aty ku filloi ta jetësonte ëndrrën e tij për t’u bërë një futbollist i madh, me të cilin do të krenohej jo vetëm familja, por edhe i gjithë kombi,” ka shkruar Ademi në profilin e tij në Facebook.