Bashkimi Evropian është shprehur se ilaçet e kollës që përmbajnë kimikatin folkodinë duhet të ndalen së përdoruri për shkak të rrezikut të reaksioneve alergjike potencialisht vdekjeprurëse që shkaktojnë te njerëzit nën anestezi të përgjithshme.
Agjencia Evropiane e Barnave (EMA) rekomandoi që të gjitha ilaçet të cilat përmbajnë folkodinë duhet të hiqen nga tregu.
Këto ilaçe përdoren tek të rriturit dhe fëmijët për trajtimin e kollës së thatë.
Sipas ekspertëve në Amsterdam përdorimi i folkodinës në 12 muajt para anestezisë së përgjithshme është një faktor rreziku për zhvillimin e një reaksioni anafilakti.
Ata shtuan se ky reaksion është një reaksion alergjik i papritur, i rëndë dhe kërcënues për jetën.
Pholkodina me bazë opioidet është përdorur si ilaç kundër kollës që nga vitet 1950.
Ilaçet që përmbajnë kimikatin janë aktualisht të autorizuara në vendet e BE-së si Belgjika, Kroacia, Franca, Irlanda, Luksemburgut e të tjerë.
Ky lloj ilaçi mund të gjendet nën emrat e markave duke përfshirë Dimetane, Biocalyptol dhe Broncalene.
Franca u shpreh në shtator se folkodina duhej të ndalohej për shkak të rrezikut të alergjive.
Në prill të vitit 2020 në kulmin e pandemisë Covid-19, kur kolla e thatë ishte një nga simptomat kryesore të sëmundjes, autoritetet franceze kishin rekomanduar të mos përdoreshin shurupet me folkodinë.
EMA në janar kishte rekomanduar përditësimin e paketimit për të paralajmëruar rrezikun e alergjive, bazuar në të dhënat e reja.
