Kandidati i Primareve në Tiranë, Gert Bogdani pas votimit në seli është shprehur se kjo ditë do të sjellë ndryshimin për Shqipërinë.
Bogdani tha se primaret janë një proces i rëndësishëm për demokracinë, pasi për herë të parë baza voton për ata që duan të drejtojnë qytetet.
“Kjo është ditë e rëndësishme për këtë simbolikë.
Por ajo që është më e rëndësishme është 14 maji. Pra, demokratët votojnë për kandidatin, për atë që mund të sjellë ndryshimin në Tiranë, për të sjellë më pas ndryshimin në mbarë Shqipërinë.
Unë ftoj çdo demokrat dhe simpatizant të vijë dhe të ushtrojë të drejtën e votës për të sjellë ndryshimin në Tiranë dhe më pas në të gjithë Shqipërinë,” tha Bogdani.
