Kreu i PD, Sali Berisha deklaroi sot se primaret nuk u zhvilluan për të qenë në lista të sigurta. Ai theksoi se listat e mbyllura kanë aleatët, kanë disa kushtëzime dhe janë disa faktorë që ndërhyjnë.
“Kjo garë nuk është bërë për të qenë në lista të sigurta. I sigurt të jetë, që ai që merr më shumë vota do të jetë deputet në Kuvendin popullor. Por pa diskutim në përpunimin e listave të mbyllura ky është një nga kriteret kryesore.
Listat e mbyllura kanë aleatët, kanë disa kushtëzime. Janë disa faktorë që ndërhyjnë. Por a do jetë ky një kriter për përfshirjen e tyre. Po, do të jetë një kriter i rëndësishëm gjer në kuotat. Kuotat, megjithëse ju e patë se ka zonja që kanë marrë vota shumë lart dhe nuk ka asnjë vështirësi në këtë mes” tha ai.
