Në orët e para të ditës së sotme Saranda u trondit nga një shpërthim me eksploziv që kishte në shënjestër një ish-punonjës të administratës. Ai është Lefter Lefteri i njohur ndryshe edhe me emrin Afez Kulla.
Ngjarja është regjistruar rreth orës 04.35 ne lagjen nr.1 të Sarandës. Lënda eksplozive e dyshuar si tritol ishte vendosur tek porta jashtme e vilës.
Brenda ishin katër anëtarë të familjes. Fatmirësisht nga shpërthimi ka pasur vetëm dëme materiale.
Lefter Lefteri ka qenë punonjës i administratës dhe pak kohë më parë është shoqëruar për t’u marrë në pyetje në lidhje me një denoncim që ka pasur kundër tij.
Gjithashtu Lefteri rezulton ndërtues. Ende nuk dihet nëse sulmi ka qenë për shkak të detyrës që mbante më parë, por konflikteve si biznesmen. Hetimet vazhdojnë.
Tritol vilës së një ndërtuesi në Sarandë, ja kush është pronari me dy emra!
