Një ndjekje nga policia greke ka ndodhur në orët e para të së hënës në Selanik.
Rreth orës 01:00 të mëngjesit, një makinë ndaloi në një pikë karburanti në rrugën Monastiriou dhe pasi u furnizua me karburant u largua pa paguar.
Menjëherë pas ngjarjes është njoftuar policia dhe filloi ndjekja.
Sipas informacioneve të para, policia ka tentuar ta ndalojë duke qëlluar në drejtim të mjetit.
Sipas mediave ende nuk dihet nëse shoferi i makinës i është kundërpërgjigjur zjarrit të policisë.
Nga tentativa për t’u arratisur nga policia, shoferi i cili nuk është identifikuar akoma është përplasur me një mur dhe si pasojë ka marrë lëndime të rënda.
Drejtuesi dyshohet se është i mitur.
