Disa hajdutë kanë arritur që të vjedhin 5 makina luksoze me vlerë mbi 700 mijë paund në një bastisje që nuk zgjati as 60 sekonda. Ngjarja ka ndodhur në Bulphan, Essex në Britani.
Hajdutët shihen duke hapur portat e një kopshti ku ishin të parkuara makinat. Fillimisht morën një automjet tip ‘Ariel Atom’ që kushton rreth 60 mijë paund.
Më pas morën një ‘Mercedes G-Wagon’ me vlerë 120,275 paund për të vijuar me një ‘Porsche Cayenne’.
Ndërsa bastisja e shpejtë vazhdon, hajdutët nxjerrin një ‘Porsche 911 Carrera’, e cila kushton rreth 89,800 paund.
Makina e fundit e vjedhur nga hajdutët është një ‘Mercedes Maybach’, i cili ka një çmim fillestar prej 150,000 paund.
