Komiteti Shqiptar i Helsinkit ka dënuar ashpër sulmin e djeshëm ndaj liderit të PD-së, Sali Berishës.
Komiteti i ka bërë thirrje prokurorisë së Tiranës që të kryejë hetimet sa më shpejt.
Po ashtu ai ka theksuar se tubimet paqësore dhe pa armë janë të garantuara nga neni 47 i Kushtetutës sonë dhe neni 11 i Konventës Europiane të të Drejtave të Njeriut.
“Personi që kreu këtë vepër kriminale u identifikua, ndërsa Prokuroria pranë Gjykatës së Rrethit Gjyqësor Tiranë filloi menjëherë çështjen penale.
KShH i sugjeron organit të Prokurorisë pranë Gjykatës së Rrethit Gjyqësor Tiranë, që të zhvillojë hetime të shpejta, objektive dhe të gjithanshme, përfshirë edhe deklaratat lidhur me këtë ngjarje të z. Berisha, para gazetarëve menjëherë pas përfundimit të tubimit,” ka shkruar KShH.
