Humbja kundër Marokut me penallti në kupën e botës ka nxitur një cikël të ri në ekipin spanjoll të futbollit: viktima e parë pas fiaskos ka qenë Luis Enrique.
Trajneri u shkarkua nga posti i trajnerit të kombëtares për t’i dhënë fund një projekti me një bazë lojtarësh të rinj.
“Federata dëshiron të falënderojë Luis Enrique dhe të gjithë stafin për punën që kanë bërë.
Si presidenti, Luis Rubiales ashtu edhe drejtori sportiv, José Francisco Molina i kanë përcjellë trajnerit vendimin e miratuar”, thuhet në njoftimin e Federatës Spanjolle të Futbollit.
