Ish-presidenti kroat, Stipe Mesic është prononcuar për mediat pas takimit me kreun e PD-së, Sali Berisha.
Ai ka treguar se vlerëson kontributin e Berishës dhe se ai i duhet shqiptarëve, rajonit dhe komunitetit evropian.
“Isha mysafir në Shqipëri, gjatë ditëve që isha këtu dëgjova për sulmin që u bë këtu dhe më shqetësoi shumë.
U befasova për shkak se Berisha është babai i demokracisë në Shqipëri dhe më gjerë.
Nuk kam shumë të dhëna për momentin dhe s’dua të deklarohem për momentin, por ky është atentat ndaj Berishës. Ai i duhet gjithë shqiptarëve në Shqipërisë e më gjerë, i duhet rajonit e komunitetit Evropian. I dëshiroj nga zemra shumë shëndet dhe të ngelet në politikë edhe më tutje, të punojë për demokracinë”, u shpreh ai.