Milioneri japonez zbulon emrat e përzgjedhur për udhëtimin drejt hënës

Miliarderi japonez, Yusaku Maezawa është personi i cili ka përzgjedhur 3 personat që do të udhëtojnë rreth hënës me një fluturim privat me SpaceX.

Biznesmeni Yusaku Maezawa zbuloi ekuipazhin e tij të premten pas një kërkimi global për individë vitin e kaluar.

Personat të cilët do të jenë pjesë e këtij udhëtimi janë DJ amerikan, Steve Aoki dhe ylli korean TOP.

Gjithashtu pjesë e këtij udhëtimi do të jetë edhe një youtuber.

Megjithatë, rregullatorët amerikanë nuk kanë dhënë ende leje për raketën Starship nga kompania SpaceX e Elon Musk, me të cilën supozohet të udhëtojë ekuipazhi.

Anija nuk është miratuar as për një udhëtim orbital rreth Tokës dhe është ndalur për 18 muajt e fundit në Teksas, pasi përfundoi një nisje provë në maj 2021.

Çmimi që Maezawa ra dakord të paguante për biletën e tij në hapësirë nuk është bërë i ditur, por sipas Musk ishin shumë para.