Kryeministri Edi Rama ka vendosur në mbledhjen e sotme emërimin e Altin Bashës drejtor të Teatrit Kombëtar pas propozimit të ministrisë së Kulturës.
Në garë ishte edhe Elma Dorezi, Kiço Londo dhe Arben Derhemi për të drejtuar këtë institucion.
Regjisori Basha do të zërë vendin e Hervin Çulit. Basha ishte dakord me shembjen e Teatrit Kombëtar.
VENDIMI
LIRIMIN DHE EMËRIMIN NË DETYRË TË DREJTORIT TË TEATRIT KOMBËTAR
Në mbështetje të pikës 2, të nenit 100, të Kushtetutës, e të pikës 3, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës, Këshilli i Ministrave
V E N D O S I:
- Z. Hervin Çuli, drejtor i Teatrit Kombëtar, lirohet nga kjo detyrë.
- Z. Altin Basha emërohet drejtor i Teatrit Kombëtar.
Ky vendim hyn në fuqi menjëherë dhe botohet në “Fletoren zyrtare”.