Lideri radikal serb Vojislav Sheshel kërkoi që Serbia të vazhdojë me politikën e tërheqjes së njohjes së shtetit të Kosovës.
Ai gjithashtu thekson se Hungaria është kandidati më serioz për të “tërhequr njohjen e të ashtuquajturës Kosovë”.
Shesheli tha se më e rëndësishmja është që serbët të jenë të bashkuar dhe të vendosur, por shtoi se duhet të kujdesen që të mos derdhet gjak nga pala serbe.
“Ne nuk duhet të jemi iniciatorë të një konflikti të armatosur” tha Sheshel. Ai deklaroi se Gjermania dhe Anglia kanë interesat më të korruptuara në Ballkan.
“Dilema jonë është nëse Perëndimi dëshiron vërtet gjakderdhje apo jo. Për mendimin tim, ndoshta amerikanët nuk duan gjakderdhje, por anglezët dhe gjermanët e duan” tha Sheshel.
