Policia e Tiranës ka njoftuar sot se ka zbardhur një ngjarje të rëndë, vrasje të ndodhur pesë vite më parë. Bëhet fjalë për Menduh Shaban Kurt-Dedën.
Dy persona janë arrestuar për ngjarjen e rëndë dhe një është shpallur në kërkim. Gazmir Ngota 39 vjeç dhe Marjeta Karaj 56 vjeçe, të dy banues në Tiranë janë vendosur në pranga, në kërkim u shpall Besmir Karaj 34 vjeç, banues në Tiranë, djali i shtetases së arrestuar Marjeta Karaj (aktualisht jashtë shtetit).
Por si ndodhi vrasja dhe cili ishte shkaku?
Policia deklaroi se bëhet fjalë për një borxh të vjetër. Tre personat, dy të arrestuarit dhe i treti në kërkim, sipas policisë në bashkëpunim me njëri-tjetrin kanë marrë në telefon në zonën e Xhamllikut, Menduh Kurt–Dedën, i cili fshihej prej kohësh, si pasojë e një borxhi të pashlyer.
“Nuk di gjë”! Rrumbullaku i preu biletën, drejtori i Tiranës i çon një “lutje” të fundit
Më pas e kanë marrë me forcë në automjet dhe kanë shkuar në zonën e Alliasit, ku kanë ushtruar dhunë ndaj tij. Më pas, Besimiri dhe Gazmiri, sipas policisë e kanë transportuar në një zonë pyjore, në vendin e quajtur “Kodër Shupal”, “ku pasi e kanë dhunuar dhe lidhur 61-vjeçarin, e kanë djegur atë me lëndë djegëse” thotë policia.
Këta janë nënë e bir që morën peng, dhunuan dhe dogjën borxhliun në Tiranë
