Shpërthimi i ndodhur mëngjesin e sotëm në akuariumin gjigant “Dom Aquaree” që zbukuron hollin e hotelit “Radisson Blu” në Berlin ka lënë të plagosur 2 persona dhe ka përmbytur hotelin.
Shpërthimi i fuqishëm ndodhi në orën 6 të mëngjesit dhe për shkak të shpërthimit kanë ngordhur të gjithë peshqit në akuarium.
Sipas raportimeve rreth 1500 peshq kanë ngordhur ndërsa 350 banorët e hotelit janë detyruar të largohen pasi e gjithë ndërtesa është përmbytur.
Sipas gazetës Bild, shpërthimi ka qenë aq i fuqishëm sa është regjistruar nga sizmografët.
Autoritetet gjermane pretendojnë se 1 milion litra ujë ka përmbytur jo vetëm ambientet e hotelit, por edhe rrugët përreth.
Und so sieht es auf dem Seismogramm aus, wenn in #Berlin ein #Aquarium explodiert. Aufgezeichnet an zwei privaten @raspishake-Stationen in Rudow und Lankwitz pic.twitter.com/eqKOifmhCj
— Erdbeben Deutschland (@ErdbebenDE) December 16, 2022
Sipas policisë dy persona kanë mbetur të plagosur nga xhamat e thyer.
Forcat zjarrfikëse dhe policia që kanë shkuar në vendngjarje dhe po përdorin qen të trajnuar posaçërisht për të gjetur çdo viktimë.
Nga ana tjetër autoritetet e Berlinit janë shprehur se nuk ka prova për një sulm.
Informacionet e cituara nga Bild pretendojnë se shpërthimi i akuariumit është ndoshta për shkak të materialeve të vjetra të ndërtimit.
https://twitter.com/xulsolar71/status/1603704022367707136?ref_src=twsrc%5Etfw%7Ctwcamp%5Etweetembed%7Ctwterm%5E1603704022367707136%7Ctwgr%5Eabba1053d16a71900c67ee31c640a5f5762e63af%7Ctwcon%5Es1_c10&ref_url=https%3A%2F%2Fwww.protothema.gr%2Fworld%2Farticle%2F1319218%2Fgermania-seismografoi-epiasan-tin-ekrixi-tou-enudreiou-sto-verolino-nekra-ta-1500-psaria%2F
Akuariumi “Dom Aquaree” është konsideruar si akuariumi më i madh cilindrik në botë.
Ai është 16 metra i lartë e mbante 1 milion litra ujë dhe 1500 peshq të 100 llojeve të ndryshme.
Vizitorët mund t’i shijonin pamjen duke paguar shumën prej 19 euro.
Vlen të theksohet se, “AquaDom” u rihap në verë pas 2.5 vitesh rinovim.
Kostoja e rinovimit arriti në 2.6 milionë euro.
Gjithçka u rinovua dhe pishina u pastrua tërësisht por mesa duket ky rinovim nuk e përmirësoi gjendjen e akuariumit i cili shpërtheu ditën e sotme.
