Tre golat e shënuar në finalen e Kupës së Botës nuk i dhuruan Kilian Mbape trofeun për të dytin edicion radhazi, por e ”ngushëlluan” me një tjetër trofe individual.
Goli i shënuar në shtesë, që barazi shifrat në 3-3 dhe çoi ndeshjen në penallti, i dha mundësinë atij që të siguronte “Këpucën e Artë” të turneut, duke shënuar 8 gola e duke lënë pas pikërisht Lionel Mesin, i cili nuk ndal në “vetëm” 7 gola në këtë turne.
Tani Mbape regjistron 12 gola të shënuar në 2 botërorë, duke qenë vetëm 4 gola larg rekordit të 16 golave të shënuar nga Miroslav Klose. Me 172 gola të shënuar, ky turne u bë ai me më shumë gola në historinë e Botërorëve, duke lënë pas shifrën e 171 të tillë të regjistruar në Francë 1998 dhe Brazil 2014.
Kjo është renditja e golashënuesve më të mirë në fund të turneut:
8: Kilian Mbape (Francë)
7: Lionel Mesi (Argjentinë)
4: Julian Alvarez (Argjentinë), Olivier Zhiru (Francë)
