Pesë ish-anëtarë të MEK kanë dalë nga kampi në Manzë me dëshirën e tij. Ata po mbahen në vëzhgim nga policia e shtetit prej më shumë se një mauj.
Top Channel mëson se tashmë mbahen në këtë qendër për emigrantët.
Mësohet se pas konsultimeve me partnerët, është mbërritur në përfundim se ekzistojnë rrethana dhe informacione se këta persona po përdoreshin nga Irani kundra MEK. Hassan Hyerani, është një prej pesë iranianëve që po mbahet në Karreç. Ai ka hyrë në një grevë urie. Sakaq autoritetet ligj-zbatuese shqiptare janë duke hetuar një tentativë të ditëve të fundit të Iranit për të shpërndarë informacione të rreme në Shqipëri, në lidhje me ndalimin e të pestëve.
Në të tilla kushte është vlerësuar se ish anëtarët e MEK, të grupuar në një shoqatë, përbënin rrezik për cenimin e sigurisë kombëtare. SPAK për llogari të një hetimi lëshoi 12 urdhra kontrolli banese dhe zyrash për personat e larguar nga MEK. Pjesë e kontrollove ishin edhe zyrat e shoqatës ASILA në krye të cilës qëndronte Hassan Hyerani.
Prej muajit korrik SPAK ka një hetim aktiv ndaj 20 iranianëve, ish-anëtar të MEK nën dyshimin për spiunazh në shërbim të regjimit iranian.
