Presidenti i SHBA, Joe Biden mirëpriti presidentin ukrainas, Volodymyr Zelensky në Shtëpinë e Bardhë për një takim dypalësh të mërkurën, duke u zotuar se Shtetet e Bashkuara do të vazhdojnë të forcojnë aftësinë e Ukrainës për të mbrojtur veten veçanërisht mbrojtjen ajrore.
Ai theksoi se të dyja palët amerikane po qëndrojnë pranë Ukrainës dhe me aleatët në Evropë, Japoni dhe vende të tjera për t’u siguruar që ju të keni ndihmën ekonomike, humanitare dhe të sigurisë që ju nevojitet, duke përfshirë misionin e tij të shpallur së fundmi, sistemin raketor të mbrojtjes ajrore Patriot .
“Zoti President, është mirë që ju riktheheni. Është një nder të qëndroj me ju në mbrojtjen e bashkuar kundër një lufte brutale të zhvilluar nga Putin”, tha Biden.
Nga ana e tij Zelensky falënderoi Biden dhe Kongresin për mbështetjen e tyre dhe shprehu vlerësimin e tij edhe për popullin amerikan.
Zelensky i dhuroi Biden një medalje heroi, të cilën ai tha se ia kishte dhënë nga një kapitenët e ushtrisë ukrainase që luftonte në rajonin e Donbass.
“Një njeri që është një hero i vërtetë, një udhëheqës i vërtetë më kërkoi t’i jepja medaljen e tij Bidenit,” tha Zelensky.
Presidenti amerikan e pranoi medaljen, duke e cilësuar atë një “nder të madh” dhe shprehu dëshirën për t’i dhënë përgjigje ushtarit ukrainas një medalje amerikane nga Iraku ku kishte luftuar djali i tij, Beau Biden.
“Ti je njeriu i vitit”, komentoi presidenti amerikan, duke iu referuar zgjedhjes së Zelensky për kopertinën përkatëse të revistës Time.
