Kryeministri i Greqisë, Kyriakos Mitsotakis deklaroi sot në Derviçan se Athina dhe Tirana janë shumë pranë zgjidhjes së çështjes së kufirit detar. Në fjalën e tij para komunitetit grek, ai tha se minoriteti është një urë e fortë lidhëse miqësie mes dy vendeve.
“Do të bëjmë përparim miq, në marrëdhëniet tona me Shqipërinë. Tani jemi shumë afër zgjidhjes së një çështjeje të kahershme në lidhje me përcaktimin e zonave tona detare, gjithmonë bazuar në të drejtën ndërkombëtare, sepse ju e dini që dallimet midis shteteve nuk zgjidhen me retorikë ekstreme dhe fjalë boshe, ato zgjidhen me respekt për ligjin.
Dhe në të njëjtën mënyrë do të zgjidhim edhe mosmarrëveshjet tona për këtë çështje me mikun tonë Shqipërinë”, tha Kyriakos Mitsotakis. Dje në Tiranë për të vulosur dosjen dhe për ta nisur drejt Hagës ishte ministri i Jashtëm grek Nikos Dendias.
Mitsotakis flet për vetëvendosje në Himarë: Do ngre zërin për shkollat dhe pronat