Një aksident tragjik ka ndodhur në Spanjë, një autobus me 7 persona në bord u rrëzua në një lumë, ku 3 prej pasagjerëve nuk mundën t’u shpëtonin plagëve dhe humbën jetën tragjikisht.
Mediat spanjolle bëjnë me dije se, aksidenti ndodhi rreth orës 21:19 dhe autoritetet u lajmëruan fillimisht nga një kalimtar i cili pa parmakët e shkatërruar në anë të rrugës, por që nuk mundi të identifikonte automjetin në ujë.
Disa minuta më vonë, dikush nga brenda autobusit telefonoi shërbimet e urgjencës, të cilat filluan operacionin e shpëtimit.
