2023-shi, viti më i ngrohtë/ A do të bjerë shi natën e ndërrimit të viteve?

Një qendër e presionit të lartë atmosferik është vendosur në Gadishullin e Ballkanit duke sjellë kushte të qëndrueshme atmosferike.

Java e fundit e dhjetorit ka nisur me mot të mirë e temperatura të larta, pra viti 2022 po përcillet me djell.

Pjesa e dytë e javës do të sjellë vranësira të lehta dhe kalimtare, fillimisht në zonat malore dhe gradualisht në një pjesë të mirë të territorit.

E tillë do të vijojë edhe nata e ndërrimit të viteve edhe pse pasdite do të ketë vranësira të lehta dhe kalimtare, por nuk priten reshje në territor.

Ndërsa janari sipas meteorologëve do të jetë fillimi më i ngrohtë i një viti të ri që është regjistruar ndonjëherë në histori.

Gjithashtu meteorologu i OREN-it, Clearchos Marousakis, tha se do të kemi një rritje të re të temperaturës në ditët në vijim.

Nëse mendojmë se e kemi “zbërthyer” motin, e kemi gabim, pasi nga e marta. presim dhe rritje të re të temperaturës ku në lindje dhe jug do të kalojmë 20°. Temperaturat afër 21° deri në 23° janë mjaft të mundshme drejt kontinentit lindor, Kretës dhe Dodekanezit”.

Sipas tij , me kalimin e Vitit të Ri merkuri do të fillojë të bjerë për të thënë se do t’i afrohemi më shumë vlerave normale për sezonin, por një rënie që nuk do të zgjasë shumë që atëherë presim një “sulm” të ri të ngrohti.