Në orët e para të së martës në veri të Kosovës janë vendosur edhe dy barrikada nga grupet kriminale serbe, njëra në Lagjen e Boshnjakëve në afërsi të shkollës Teknike, ndërsa tjetra te vendi i quajtur “Kërshi i Dudës”.
Barrikada e vendosur në veri të Mitrovicës gjendet tek udhëkryqi i Shkollës Teknike, në afërsi të Lagjes së Boshnjakëve, ndërkaq barrikada tjetër është vendosur në rrugën magjistrale Mitrovicë – Zveçan, pak përtej vendit të quajtur “Kërshi i Dudës”.
Telegraf ka bërë me dije se me vendosjen e këtyre dy barrikadave, ka shkuar në 13 numri i tyre që janë vendosur në veri.
