Një 22-vjeçar është plagosur me thikë teksa po punonte si kamerier në një fast-food në Lushnje. Një 66-vjeçar në gjendje të dehur është konflikuar me të riun dhe më pas e ka goditur me thikë.
“Rreth orës 12:40, në ambientet e një fast food-i, në lagjen “Xhevdet Nepravishta”, dyshohet se gjatë një konflikti të çastit, për motive të dobëta, shtetasi A. C., 66 vjeç, në gjendje të dehur, ka goditur me mjet prerës (thikë), shtetasin L. M., 22 vjeç, kamarier në këtë fast food.
Menjëherë pas marrjes së njoftimit, shërbimet e Policisë kanë kapur dhe shoqëruar shtetasin A. C., në Komisariat.
Shtetasi L. M. po merr mjekim në spitalin e Lushnjës.
Po kryhen veprimet nga grupi hetimor, për zbardhjen e plotë të rrethanave të ngjarjes.“- ka njoftuar policia.
