Armët e gjetura gjatë kontrolleve të kryera në zbatim të një vendimi nga Gjykata e Posaçme me kërkesë të SPAK për 3 banesa dhe ambiente, të cilat dyshohet të ishin në pronësi të Ervis Martinajt dhe dy xhaxhallarëve të tij, duket se kanë qenë në tokë pa pronar.
Kjo e ka bërë të pamundur gjetjen e poseduesve real dhe ngritjen e akuzave zyrtare, teksa ato janë dërguar në laboratorin e Policisë Shkencore ku do t’i nënshtrohen akt ekspertimit balistik, por edhe të gjetjes së gjurmëve të ADN-së.
Të njëjtat burime konfirmuan se një akt ekspertimi për gjetjen e qimeve apo materialeve të tjera të vlefshme që mund të krijojnë profil gjenetik është urdhëruar edhe për kapelet dhe rrobat e policisë të gjetura bashkë me armët.
Kontrollet në 3 banesa dhe disa ambiente të tjera në Fushë Kuqe të Kurbinit erdhën 8 muaj pasi Ervis Martinaj u shpall në kërkim nga SPAK si porositës i një vrasje dhe 5 muaj pasi ai u deklarua i zhdukur nga familjarët e tij. Klan
