Një lidhje e papranuar është bërë shkak i një sherri ku kanë qenë të përfshirë një familje shqiptare dhe dy marokenë në Itali.
Një 18-vjeçare shqiptare dhe partneri i saj 21-vjeçar nga Maroku kishin nisur një lidhje dashurie prej kohësh, por familja e vajzës ishte kundra.
Mbrëmjen e djeshme çiftin kishte dalë për një shëtitje me motrën e 21-vjeçarit kur janë hasur në rrugë me xhaxhain e vajzës dhe bashkëshorten e këtij të fundit të shoqëruar nga disa miq të tyre. Ata menjëherë kanë nisur të ofendojnë shoqëruesit e vajzës.
Vajza u mundua të qetësojë situatën duke u kërkuar atyre të ndalojnë por u qëllua me shuplakë ndërsa njëri nga familjarët e kapi nga flokët.
Edhe djali nga Maroku u sulmua nga xhaxhai i partneres së tij. Në atë moment në rrugë janë shfaqur edhe familjarë të tjerë të vajzës, përfshirë edhe një 32-vjeçar i cili ka kërcënuar me thikë çiftin e ri.
