Tre persona, nënë e bir dhe kamarieri i një lokali janë helmuar nga uji në Shkodër duke përfunduar në spital. Në lidhje me ngjarjen ka reaguar ujësjellësi në Shkodër duke sqaruar se ata janë helmuar pasi kanë konsumuar ujë të ambalazhuar nga një kompani private. Sipas tyre, kjo konfirmohet edhe nga Prokuroria dhe AKU.
“Ujësjellës Kanalizime Shkodër, në kuadër të transparencës dhe komunikimit me klientët e vet, sqaron opinionin publik lidhur me një lajm që është është shpërndarë minutat e fundit: Personat nënë e bir dhe një kamarier, janë intoksikuar pasi kanë konsumuar ujë të ambalazhuar nga një kompani. Kjo konfirmohet edhe nga Prokuroria dhe AKU që bashkarisht po punojnë për zbardhjen e plotë të rrethanave të ngjarjes. UK Shkodër siguron klientët për cilësinë e ujit, monitoruar periodikisht nga specialistë të Drejtorisë së Shendetit Publik Shkodër,”– njofton Ujësjellësi në Shkodër.
