Dy ditë më parë deputeti i PD-së, Tritan Shehu denoncoi se kardiokirurgjia në QSUT është e bllokuar prej një muaji. Më tej ish-ministri theksonte se bllokimi ka ardhur prej faktit se mungojnë oksigjeneratorët, ndërsa listonte edhe shumë probleme të tjera me të cilat përballet. Në fund ata që e pësojnë janë pacientët. Por si qëndron e vërteta, çfarë përgjigje ka QSUT për këtë denoncim?
“5pyetjet.al” menjëherë pas denoncimit të zotit Shehu, pra dy ditë më parë iu drejtua me një kërkesë drejtoreshës së QSUT-së, zonjës Albana Fico për t’i kërkuar një përgjigje. Por prej dy ditësh ende nuk ka marrë asnjë përgjigje. Vetëm heshtje.
Denoncimi i Tritan Shehut
Ardhjet me “hope” te materialeve thelbesore e jetesore mjekesore, apo dhe te medikamenteve, kane goditur kete here edhe kardiokirurgjine ne QSUT.
Prej javesh ai aktivitet shume i rendesishem mjekesor eshte bllokuar prej faktit se mungojne oksigjeneratoret, nje material ky i domosdoshem per shumicen e operacioneve ne zemer e enet kryesore te gjakut.
Dhe ajo sasi shume e vogel oksigjenatoresh e ruajtur nga sherbimi nuk siguron dot as nevojat e plota te urgjences mjeksore, jo me ato te nje aktiviteti normal.
Pa dyshim ketu e pesojne:
1- Se pari pacientet, qe nuk jane te paket ne numer e serioze persa i perket patologjive.
Nje pjese e tyre ne baze te mundesive financiare jane te detyruar te drejtohen tek privati, me pagesa te larta nga xhepi.
Asnje rimbursim nga shteti dhe per kete situate anormale te krijuar nga mos funksionimi i institucioneve shterore.
2-Por kjo gjendje prek edhe sherbimin e kardiokirurgjise si pasoje e te tilla nderprerjeve shume te demshme per ate.
Perfitoj nga rasti per te pershendetur koleget e personelin e kardiokirurgjise, qe me vullnetin e aftesite e tyre, pavaresisht ketyre pengesave e veshtiresive, qe u krijohen nga kjo mjekesi “falas” ne Shqiperi, po zhvillojne kete sherbim.
Dhe aktualisht jane tejet te shqetesuar persa po ndodh….
