Kryeministri i Kosovës, Albin Kurti, ka folur sot sërish në lidhje me planin franko-gjerman.
Kurti theksoi se këtë plan e shohin si bazë të mirë dhe se Serbia e ka refuzuar atë.
“Planin evropian të mbështetur nga Franca dhe Gjermani ne e kemi parë si bazë të mirë për bisedime, ndërsa Serbia e ka refuzuar atë në mbledhjen e Këshillit nacional të sigurisë në Beograd, të mbajtur me 27 tetor 2022, me vendim unanim”, tha Kurti kur u pyet se a është plani franko-gjerman i përafërt për marrëveshje finale.
Këtë deklarim Kurti e bëri pas përfundimit të takimit që pati sot me kryetarët e komunave në vend.
Gjatë këtij takimi, Kurti ka porositur kryetarët që të rrisin shërbimet ndaj qytetarëve.
