Kryebashkiaku i Stambollit, Ekrem Imamoglou kërcënohet sërish me burg pasi një padi e re është ngritur kundër tij.
Kundërshtari i presidentit turk, Erdogan pritet të dalë në gjyq së bashku me 7 persona të tjerë më 15 qershor të këtij viti.
Imamoglu akuzohet për “konkurrencë të fiksuar” dhe “dëmtim të thesarit publik” gjatë mandatit të tij si kryebashkiak i Beylikdüzü.
Ai kërcënohet me një dënim me burg nga 3-7 vjet, si dhe me heqje të të drejtave civile.
Sipas mediave turke, Ministria e Brendshme ka hetuar konkursin e zhvilluar më 29 dhjetor 2015 për rekrutimin e stafit në qendrat kulturore dhe organizatat e artit dhe kulturës.
Kompania që nuk ka fituar tenderin ka paraqitur një kundërshtim, i cili është refuzuar nga autoritetet komunale.
Në atë kohë, Ministria e Brendshme nisi një hetim për procesin e tenderit dhe më pas e përcolli kallëzimin në Prokurorinë e Përgjithshme të Büyükçekmece, e cila përfundoi në Këshillin e Shtetit.
Më 20 tetor 2020 lëshoi licencën për të hetuar personi përgjegjës për konkursin.
Avokati i Imamoglu ka dorëzuar një deklaratë me shkrim në prokurori, në të cilën thekson se kryetari i Stambollit nuk ka marrë pjesë në asnjë fazë të procesit të tenderit dhe as nuk ka dhënë ndonjë udhëzim për të përfshirët.
