Princi Harry ka thënë se pretendimet se ai mburrej në librin e tij të ri për vrasjen e 25 luftëtarëve talebanë gjatë detyrës në Afganistan janë një “gënjeshtër e rrezikshme”.
Princi është kritikuar për diskutimin e vrasjeve në Spare, me disa figura ushtarake që thonë se ishte e gabuar t’i referoheshin të vdekurve si “gurë shahu”.
Por në televizionin amerikan, Harry akuzoi shtypin se i nxirrte fjalët e tij jashtë kontekstit dhe se po rrezikonte familjen e tij. Ai gjithashtu mbrojti veten e tij, duke thënë se kishte dashur të zvogëlojë vetëvrasjen e veteranëve.
“Spare”, i cili u botua të martën, është bërë libri jo-fiction më i shitur ndonjëherë në Mbretërinë e Bashkuar. Rreth 400,000 kopje të kujtimeve janë blerë, pavarësisht se shumë fragmente u zbuluan në shtyp përpara publikimit të tij zyrtar.
