Oficerët e Operacioneve të Zbatimit dhe Largimit të Emigracionit dhe Doganave në SHBA kanë arrestuar më datë 9 janar avokatin shqiptar Gazmir Xhurxhin, i cili rezulton i dënuar nga gjykata shqiptare për mashtrim.
Policia e arrestoi avokatin jashtë rezidencës së tij në Brooklyn. “Oficerët tanë duhen lavdëruar për ndjekjen dhe arrestimin e këtij të arratisuri nga drejtësia,” tha thuhet në njoftim..
“SHBA nuk do të jetë një strehë për ata që kërkojnë t’i shpëtojnë drejtësisë për krimet e tyre”, thuhet më tej. Gjykata e Tiranës më 8 maj 2019 e dënoi Xhurxhin me 1 vit e 4 muaj burg për veprën penale të mashtrimit.
Më 3 tetor 2018, Doganat dhe Mbrojtja Kufitare e SHBA-së e pranuan Xhurxhin në Shtetet e Bashkuara në Nju Jork si vizitor joemigrues me autorizim për të qëndruar në Shtetet e Bashkuara për një periudhë të përkohshme që nuk kalon datën 2 Prill 2019.