Ylli portugez, Cristiano Ronaldo nuk e ka harruar ish-klubin e tij Real Madrid dhe ka shkuar për t’i vizituar.
Madrilenët ndodhen në Arabinë Saudite për të zhvilluar finalen e Super Kupës spanjolle.
Los Blancos janë duke u stërvitur në ambientet e stadiumit të Al-Nassr, pjesë e së cilës skuadër është edhe Cristiano Ronaldo.
Ronaldo ka zbritur në stadium për të parë nga afër ish-shokët e tij të skuadrës dhe për ta përshëndetur trajnerin e Realit, Carlo Ancelotti.
Portugezi ka qëndruar për disa minuta afër ish-bashkëlojtarëve të tij duke i uruar fat për finalen e madhe të dielën ndaj Barcelonës.
Sigurisht që qëndrimi i CR7 në stërvitjen e Real Madridit ka emocionuar tifozët madrilenë pasi video në fjalë është bërë virale në rrjetet sociale.
“Mirë që të shohim përsëri Cristiano”, ka shkruar faqja zyrtare e Realit në Twitter.
