Policia spanjolle ka organizuar një operacion antidrogë ku bastisën gjashtë plantacione kanabisi dhe sekuestruan 2,181 bimë.
Gjithashtu gjatë operacionit u arrestuan edhe 13 anëtarë të grupit me kombësi shqiptare dhe spanjolle, të moshës 19 deri në 65 vjeç.
Në total, 11 kontrolle shtëpish u kryen në shtëpitë e vendosura në qytetet Murcian të Calasparra, Lorca, Cartagena, La Unión dhe Los Urrutias, dhe Elche, La Romana, Albatera dhe Tibi në Alicante.
Operacioni u krye pas një hetimi të përbashkët disa mujor mes njësive të Policisë, ndërsa agjentët ishin në dijeni të ekzistencës së mundshme të plantacioneve të ndryshme të kanabisit të vendosura brenda shtëpive të fshatit në të dy provincat dhe që supozohet se drejtoheshin nga i njëjti grup i organizuar i përbërë nga persona me kombësi shqiptare, kryesisht nga Italia dhe spanjollë.
Sipas informatave brenda rrjetit kriminal ishte krijuar një shpërndarje funksionesh mes anëtarëve të grupit. Shkalla e parë merrej me lokalizimin e shtëpive, ndërsa e dyta i merrte me qira me dokumentacion fals të siguruar nga anëtarët shqiptarë. Më pas, një grup i tretë i përbërë nga anëtarë me njohuritë e nevojshme teknike, ishte përgjegjës për montimin e plantacioneve, me një të katërt të ngarkuar me prerjen dhe tharjen e bimëve për transport të mëvonshëm jashtë Spanjës.
