Ish-kryetarja e LSI-së, Monika Kryemadhi ka denoncuar sërish sot atë që po vijon që të ndodhë në Sharrë, ku qytetarët paguajnë për incenerim, por në fakt bëhet vetëm kapsulim dhe groposje e plehrave.
“I bëj thirrje cdo qytetari që është pjesë e qeverisë, administratës, bashkisë dhe drejtësisë, që paguajnë në mënyrë të përditshme 29 Euro, 15 u vidhen dhe futen në xhepin e Ramës dhe Veliajt.
Më e pakta që mund të bëjnë është të ndalojnë pagesat. 54 mln dollarë kanë shkuar dhe po vazhdojnë të shkojnë në një kompani, që pronarët janë në kërkim” tha ajo.
SPAK deri tani ka vepruar në periferi duke mos goditur bërthamën e kësaj strukture, ndërsa qeveria nuk i ka ndaluar pagesat për pronarët e inceneratorëve që janë në kërkim.
